Տղամարդը բանկային սխալի արդյունքում իր հաշվին 1,3 մլն դոլար է հայտնաբերել

Տղամարդը բանկային սխալի արդյունքում իր հաշվին 1,3 մլն դոլար է հայտնաբերել

Կյանքը կարող է միաժամանակ և՛ առատաձեռն, և՛ դաժան լինել, գրում են Luxury Launches և Թերթ.am կայքերը՝ ներկայացնելով մի ռուս տղամարդու պատմությունը, ըստ որի՝ հերոսը մեկ գիշերում միլիոնատեր է դարձել բանկային սխալի հետևանքով:

35-ամյա Ռոման Յուրկովը տեխնիկական թվային սխալի արդյունքում 95,2 մլն ռուբլի (1,3 մլն դոլար) է հայտնաբերել իր բանկային հաշվին: Տղամարդու խոսքով՝ ինքը կապվել է բանկի հետ և ճշտել՝ արդյոք ամեն ինչ կարգին է իր հաշվի հետ, և ստացել է դրական պատասխան: Դրանից հետո Տուլայի բնակիչը գնել է շքեղ տներ, մեքենաներ և iPhone:

Աղբյուրը մանրամասնում է, որ Յուրկովը 2020թ. մայիս 31-ից մինչ նույն թվականի  հունիսի մեկն իր հաշվից կատարել է 220 առանձին փոխանցում՝ անելով տարբեր գնումներ, այդ թվում՝  չորս բնակարան և երկու մեքենա: Յուրկովի պնդմամբ՝ ինքն անընդհատ կապի մեջ է եղել բանկի հետ, որի աշխատողները նրան վստահեցրել են, որ հաշվի հետ ամեն բան կարգին է:

Ի վերջո, երբ նրա հաշվին մնացել էր 39 մլն ռուբլի (540 000 դոլար), այն սառեցվել է, ապա գումարն առգրավվել, իսկ Յուրկովն էլ ձերբակալվել: Դատարանը տղամարդուն մեղավոր է ճանաչել ու դատապարտել վեց տարի ազատազրկման:

Rate this item
(0 votes)

Leave a comment

Make sure you enter all the required information, indicated by an asterisk (*). HTML code is not allowed.

ԼՐԱՀՈՍ