ԼՈՒՐ24
ԼՈՒՐ24

ԼՈՒՐ24

«Ժողովուրդ» օրաթերթի տեղեկություններով՝ իշխանություններն այս օրերին քննարկում են այն հարցը, թե ովքեր պետք է առաջիկայում ինքնաբացարկ ներկայացնեն ու ովքեր պետք է գնան խորհրդարան։

«Քաղաքացիական պայմանագիր» կուսակցության նախընտրական ցուցակի եռյակից արդեն Լիլիթ Մակունցը մանդատից հրաժարվելու դիմում է ներկայացրել։  Ըստ մեր տեղեկությունների՝ Մակունցն արդեն ճամպրուկային տրամադրություն ունի, քանի որ օգոստոսի սկզբին պետք է արդեն Ամերիկայի Միացյալ Նահանգներում լինի՝ ՀՀ դեսպանի կարգավիճակում։

 ՔՊ նախընտրական ցուցակի առաջին տասնյակից խորհրդարան կգնան Լենա Նազարյանը, Ալեն Սիմոնյանը, Արփի Դավոյանը և Արսեն Թորոսյանը։ Իշխանության ցուցակի 20-րդ համար Արմեն Փամբուխչյանը կմնա ԱԻՆ-ում, հնարավոր է առաջիկայում նախարար նշանակվի։ ՀՀ կառավարության աշխատակազմի նախկին ղեկավար Էդուարդ Աղաջանյանին ևս կուղարկեն խորհրդարան, այս պահին Նիկոլ Փաշինյանը նման որոշում է կայացրել։ 33-րդ համարը՝ Էջմիածնի քաղաքապետ Դիանա Գասպարյանը, ինքնաբացարկ է ներկայացրել։ Վիլեն Գաբրիելյանը (Նավակ Ճոճողը)՝ «Դեղերի փորձագիտական կենտրոնի» ղեկավարը, ՔՊ-ի 44-րդ համարն է, որին ևս Փաշինյանը պատրաստվում է խորհրդարան ուղարկել։ Ըստ մեր տեղեկությունների՝ իշխանությունները նպատակ ունեն «տեղավորել» բոլոր այն անձանց, ովքեր դուրս կմնան օրենսդիր մարմնից։ Փաշինյանն իրեն հավատարիմ անձանց կտեղափոխի կառավարություն»։

Մանրամասները՝ թերթի այսօրվա համարում։

«Փաստ» օրաթերթը գրում է. «Վերջին օրերին իշխանությունները իրավական գործիքակազմով ճնշումներ են կիրառում այն համայնքապետների (հատկապես Սյունիքի) նկատմամբ, ովքեր ընդդիմադիր հայացքներ ունեն. քրեական գործեր, ձերբակալություններ, կալանք: Սակայն ճնշումների շրջանակը սրանով չի սահմանափակվում:

«Փաստ» թերթի տեղեկություններով, բացի «անհնազանդ» համայնքապետներից, ներկայումս իշխանության թիրախում են հայտնվել նաև բիզնես շրջանակների տարբեր ներկայացուցիչներ, որոնք չեն սատարել իշխանություններին, առավել ևս՝ ընդդիմադիր կեցվածք են ունեցել։

Մենք տեղեկություն ունենք, որ վերջին մի քանի օրվա ընթացքում մի շարք մարզերում ամենատարբեր պատճառներով բերման են ենթարկվել մի շարք գործարարներ։ Ավելին, նրանցից ոմանք նույնիսկ կալանավորվել են:

Ընդ որում, պատճառները, մեր աղբյուրների փոխանցմամբ, մեծամասամբ արհեստական են ու ոչ մի իրավական հիմք չունեն, այսինքն, հիմնականում քաղաքական բնույթ ունեն»:

Առավել մանրամասն՝ թերթի այսօրվա համարում

 

«Հրապարակ» թերթը գրում է. «Պաշտպանության բանակի նախկին հրամանատար Սամվել Բաբայանին պաշտոն տալու հարցը դարձել է Նիկոլ Փաշինյանի իշխանության գերնպատակը։ ՌԴ իշխանությունների համար մերժելի այս թեկնածուին ՊՆ-ում առանցքային պաշտոնի նշանակելը դարձել է անհնար, իսկ Բաբայանը ցանկություն չունի երկրորդական, երրորդական դեր կատարել։

Սկզբում քննարկում կար, որ նա կդառնա պաշտպանության նախարար, վերջերս խոսվում է ՀՀ ռազմական տեսուչի պաշտոնում հավանական նշանակման մասին, սակայն Բաբայան-Փաշինյան դուետը վերջին օրերին մտմտում է ՊՆ-ն ամբողջությամբ «ռուլիտ անելու» նոր օղակ ձեւավորելու մասին։ Դա կլինի կառավարությանը ենթակա վերահսկողական մարմնի, թե այլ կառույցի տեսքով՝ դեռ հայտնի չէ։

Մեզ ասացին, որ առայժմ քննարկում են նման պաշտոն ստեղծելու եւ Բաբայանին նշանակելու սխեմաները։ Հիմա արդեն ԱԺ-ում ունեցած իրենց 71 մանդատով ցանկացած նոր օղակի ստեղծումը, ցանկացած կառուցվածքի ձեւավորումը՝ անգամ ամենաաբսուրդ, հնարավոր է»:

Առավել մանրամասն՝ թերթի այսօրվա համարում

«Ժողովուրդ» օրաթերթը գրում է. «Արցախի եւ հայ-ադրբեջանական սահմանի շուրջ նոր զարգացումներ կլինեն:

Մասնավորապես, Ադրբեջանի նախագահ Իլհամ Ալիեւը 2021 թվականի հուլիսի 20-ին աշխատանքային այցով կմեկնի Մոսկվա, որտեղ նախատեսվում է դիտարկել ռուս-ադրբեջանական հարաբերությունների հետագա ամրապնդման հիմնական հարցերը՝ շեշտը դնելով առեւտրային ներդրումների եւ հումանիտար համագործակցության վրա։ Միեւնույն ժամանակ ՀՀ վարչապետի պաշտոնակատար Նիկոլ Փաշինյանը հուլիսի 17-ին՝ Եվրոպայի խորհրդի նախագահ Ժան Միշելի հետ հանդիպման ժամանակ, խոսել էր հայ-ադրբեջանական սահմանին տիրող լարվածության եւ Ադրբեջանի նոր նկրտումների մասին:

ՀՀ վարչապետի պաշտոնակատարը մասնավորապես նշել էր. «Ոչ պաշտոնական աղբյուրներից ստացած տեղեկությունների համաձայն՝ Ադրբեջանը մտադիր է նոր ռազմական բախումներ հրահրել Արցախում եւ հայ-ադրբեջանական սահմանին, ինչի արտահայտությունը մենք այսօր տեսնում ենք հայ-ադրբեջանական սահմանի Նախիջեւանի հատվածում: Ադրբեջանի հրահրած միջադեպերը թույլ չեն տալիս նաեւ սկսել հայ-ադրբեջանական սահմանի դելիմիտացիային եւ դեմարկացիային ուղղված աշխատանքները, որոնց նույնպես ես մի քանի անգամ հրապարակային անդրադարձել եմ, այդ թվում՝ նախընտրական քարոզարշավի ընթացքում»:

Երեկ էլ հայտնի դարձավ, որ Ադրբեջանի պաշտպանության նախարար Զաքիր Հասանովը պատերազմին պատրաստ լինելու հրահանգ է տվել: Ի վերջո, ի՞նչ սպասել առաջիկայում, եւ ի՞նչ դիրքորոշում ունի այս հարցով ՌԴ-ն։ «Ժողովուրդ» օրաթերթի հետ զրույցում ռուս քաղաքական վերլուծաբան Ֆյոդոր Լուկյանովն անդրադարձավ ԵՄ օրակարգին՝ ասելով, թե նրանք մեծ հույսեր են կապում ԵԱՀԿ ՄԽ աշխատանքի վերսկսման հետ։

«Կարծում եմ՝ կողմերը դիրքավորվում են սահմանագծման գործընթացին ընդառաջ։ Բոլորը հասկանում են, որ առանց դրա հնարավոր չէ որեւէ ուղղությամբ շարժվել, միայն փոխադարձ մեղադրանքներ են հնչում. սա բարդ իրավիճակ է:

Նկատվում է երկուստեք հետաքրքրություն, որին ՌԴ-ն դեմ չէ, բայց ՌԴ-ն նաեւ ակտիվ մասնակցություն ունի ՀՀ անվտանգության գործին, որին ուղիղ այլընտրանք այսօր ՀՀ-ն չունի»,- նշեց նա»:

Առավել մանրամասն՝ թերթի այսօրվա համարում

 

Հայաստանում Ֆրանսիայի դեսպան Ջոնաթան Լաքոտը Facebook-ի իր էջում գրառում է արել կապված Երասխի հատվածում լարվածության հետ:

«Երբ Երասխը չի կարող քնել, Երևանը նույնպես արթուն է մնում»,-գրել է նա, ով նաեւ ԵՄ դրոշներով լուսանկար է հրապարակել:

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ շաբաթ օրը՝ աշխատանքային ժամի ավարտին՝ 17:00-18:00 ընկած ժամանակահատվածում, ՀՀ զինված ուժերի գլխավոր շտաբի պետ Արտակ Դավթյանի աշխատասենյակում թեժ վիճաբանություն է եղել ԳՇ պետ Դավթյանի եւ նրա առաջին տեղակալ Արշակ Կարապետյանի միջեւ:

Մեր տեղեկություններով՝ վիճաբանությունն այնքան է թեժացել, որ բանը հասել է հայհոյանքների, աթոռ, մոխրաման միմյանց վրա նետելուն, որից հետո վեճն արդեն շարունակվել է միջանցքում: Իսկ թե կոնկրետ ինչու եւ ինչ թեմայի շուրջ են վիճել շտաբի պետն ու նրա տեղակալը, աշխատակիցներն այդպես էլ չեն կարողացել հասկանալ, թեեւ վեճի մի մասը տեղափոխվել է նաեւ միջանցք: «Ժողովուրդ» օրաթերթը փորձեց տեղեկությունը ճշտել Զինված ուժերի գլխավոր շտաբից՝ նախ հետաքրքրվելով՝ վեճ եղել է, թե ոչ, ինչի շուրջ են վիճել ԶՈւ գլխավոր շտաբի պետն ու իր առաջին տեղակալը:

Գլխավոր շտաբի տեղեկատվության բաժնի պետ, գնդապետ Սամվել Ասատրյանը հայտնեց. «Ձեր տեղեկությունը իրականությանը չի համապատասխանում»:

Առավել մանրամասն՝ թերթի այսօրվա համարում

«Ազատության» եթերում Քաղավիացիայի կոմիտեի նախագահ Տաթևիկ Ռևազյանը պատասխանել է օգտատերերի հարցերին:

Հարցին, թե վերջերս հայտնի դարձավ, որ հայկական ազգային ավիափոխադրող է ստեղծվելու, այդ ավիափոխադրողը կկարողանա՞ թռիչքներ կատարել դեպի Եվրոպա՝ հաշվի առնելով, որ հայկական ավիափոխադրողներին արգելել են թռչել դեպի Եվրոպա, Տաթևիկ Ռևազյանն արձագանքել է. «Հաշվի առնելով, որ շատ փարձառու թիմ է այս ընկերությունը հիմնում համատեղ ԱՆԻՖ-ի հետ, անուղղակիորեն պետության հետ, մենք դիմելու ենք Եվրոպա խնդրանքով, որ բացառություն անեն, որովհետև սա համարվում է աշխարհի ամենաանվտանգ ընկերություններից մեկը, և մենք գիտենք, որ բացառություններ արվում են, սա մի տարբերակ է: Երկրորդ տարբերակը, օրինակ, մի քանի օդանավեր թողնել գրանցման մեջ Շարժայում, բայց շահագործել Երևանում: Լուծումներ կան, բայց դեռ այդ սև ցուցակը կա, և մենք այդ ուղղությամբ շատ լուրջ ջանքեր ենք գործադրում լուծելու»:

Ռեժիսոր Մհեր Մկրտչյանը նոր գրառում է կատարել՝ նշելով, որ Հայաստան կա, որովհետեւ անհատներ են եղել։

«Եթե լինի նոր պատերազմ...

նիկոլը նոր տեքստ ունի՞ թե «ու այդ մեկ մարդը դու` ես»-ն ա կրկնվելու...

Նոր հանրային դեմքեր կա՞ն, որ կոչ կանեն պաշտպանել Հայրենիքը թե հներով կբավարարվեք.....

Սցենարը նույնն է` զոհեր կլինեն շատ լավ էլ կտաք թուրքերին միջանցք: Գիտե՞ք ինչի նոր սցենար չեն գրում: նիկոլը մեր ազգի մեծամասնության մարմնավորումն ա` գիտի մեր արժեքը:

Մինչև մի օր չհայտնվի իրական հերոս: Կամ հին հերոս: Նարցիսիզմով չտառապող, երկիրը սիրող:

Կասկադին կոչեր մի արեք` անիմաստ ա: 1915-ին էլ ա «Կասկադ» եղել` բան չի փոխվել: Հայաստան կա, որովհետև անհատներ են եղել: Հուսով եմ... Համոզված եմ` դեռ կան»,- ֆեյսբուքյան էջում գրել է ռեժիսորը։

Չինաստանի իշխանությունները համագործակցել են վարձու հաքերների հետ, որոնք հարձակումներ են կատարել ՝ օգտագործելով Microsoft Exchange-ի խոցելի կողմերը: Չինաստանին նման գործողություններում մեղադրել են ԱՄՆ-ն, ԵՄ-ն և ՆԱՏՕ-ն, գրում է ՏԱՍՍ գործակալությունը:

Վնասակար գործողությունները գրանցվել են այս տարվա մարտին: Կիբերհարձակումը, հավանաբար, կազմակերպվել է հաքերների կողմից, որոնք կապ ունեն Չինաստանի իշխանությունների հետ: Այս մասին հայտարարել է Սպիտակ տան վարչակազմի ներկայացուցիչը հեռախոսային ճեպազրույցի ժամանակ:

«Միացյալ Նահանգների կառավարությունը, դաշնակիցների և գործընկերների հետ միասին, չարամիտ կիբեր արշավը ... վերագրում է Չինաստանի պետական անվտանգության նախարարության հետ կապված չարամիտներին»,-ասել է նա:

Միացյալ Նահանգները խոստացել է բացահայտել, թե ինչպես է Չինաստանը կիբեր գործողություններ իրականացնում ամբողջ աշխարհում: Սպիտակ տունը մտադիր է խոսել ավելի քան 50 հնարքների մասին, որոնք ուղղված են եղել ԱՄՆ-ի ու իր դաշնակիցների դեմ:

Թալիբներին դիմակայելու, ինչպես նաև տեղի շիաների իրավունքները պաշտպանելու համար Աֆղանստանում սկսել է գործել «Հաշդ ալ-Շիʿի» «Շիայական աշխարհազոր» ռազմականացված կառույցը։

Կառույցի անունը շատ նման է Իրաքում գործող «Հաշդ ալ-Շաաբի»՝ «ժողովրդական աշխարհազորի» անվանը, որը ներկայիս Իրաքի ռազմաքաղաքական կյանքում հսկայական դեր ու նշանակություն ունի։

Ակնհայտ է, թե Աֆղանստանում ստեղծված «Հաշդ ալ- Շիʿի» կառույցը, որ երկրի կողմից է ստեղծվել ու ղեկավարվում։

Իրանը, հավատարիմ մնալով Իսլամական հեղափոխության գաղափարախոսությանը, չի դադարում շարունակական ու հետևողական քայլերով զբաղվել հեղափոխության արտահանմամբ։ Առաջին հաջողված փորձը Լիբանանում «Հիզբալլահն» էր, այնուհետև Իրաքում՝ «Հաշդ ալ-Շաաբը» և հիմա էլ Աֆղանստանում «Հաշդ ալ- Շիʿին»։

Ներկայումս փոխվել են կայսրություն ստեղծելու ձևաչափերն ու գործիքակազմերը, բայց նպատակը՝ ոչ։ Դրանք հանրությանը ներկայացվում են գեղեցիկ, ականջահաճո փաթեթավորումներով՝ մի վայրում «կոմունիկացիաների ապաշրջափակում», մեկ այլ վայրում՝ «Աստծո կուսակցություն», մյուսներում՝ «Աշխարհազոր» ստեղծելու անուններով։

Իրանագետ Ահարոն Վարդանյան

ԼՐԱՀՈՍ