Թալիբները դրոշ են տեղադրել Տաջիկստանն ու Աֆղանստանը կապող կամրջի վրա

Թալիբները դրոշ են տեղադրել Տաջիկստանն ու Աֆղանստանը կապող կամրջի վրա

«Թալիբան» շարժման գրոհայինները դրոշ են դրել Փյանջ գետով անցնող կամրջի սյունի վրա, որը միացնում է Տաջիկստանն ու Աֆղանստանը, փոխանցում է «ՌԻԱ Նովոստի»-ն:

«Թալիբները, ովքեր հուլիսի 5-ին գրավեցին Աֆղանստանի կառավարական զորքերի սահմանային դիրքը, այսօր դրոշ են տեղադրել երկու երկրները միացնող Փյանջ գետով անցնող կամրջի իրենց կողմի սյան վրա, որը Տաջիկստանի «Թեմ» անցակետի դիմացն է»,- ասել է աղբյուրը գործակալությանը:

Աֆղանցի սահմանապահները հուլիսի 5-ի գիշերն առանց մարտի իրենց անցակետը տվեցին գրոհող թալիբներին, եւ 312 սահմանապահ եւ զինվորական հասցրեցին անցնել այս կամրջի վրայով Տաջիկստանի տարածք:

Աֆղանստանում այժմ մարտեր են ընթանում կառավարական զորքերի եւ «Թալիբան» շարժման միջեւ, որոնք զգալի տարածքներ են գրավել գյուղական վայրերում եւ հարձակողական գործողություններ են սկսել խոշոր քաղաքների վրա: Սրացումը տեղի է ունենում ամերիկյան զորքերի դուրսբերման ֆոնին, ինչը ՌԴ արտգործնախարար Սերգեյ Լավրովն ց իրենց առաքելության ձախողում էր կոչել:

Rate this item
(0 votes)

ԼՐԱՀՈՍ