Թուրքիան շեղվել է. Բայդեն-Էրդողան հանդիպումը նրան կվերադարձնի ճիշտ ուղի. ԱՄՆ պետքարտուղար

Թուրքիան շեղվել է. Բայդեն-Էրդողան հանդիպումը նրան կվերադարձնի ճիշտ ուղի. ԱՄՆ պետքարտուղար

ԱՄՆ-ի եւ Թուրքիայի միջեւ տարաձայնությունների քննարկումը կլինի երկու երկրների նախագահներ Ջո Բայդենի եւ Թայիփ Էրդողանի առաջիկա հանդիպման օրակարգի հիմնական հարցը: Այս մասին հայտարարել է ԱՄՆ պետքարտուղար Էնթոնի Բլինքենը, փոխանցում է ՏԱՍՍ-ը:

«Վստահորեն կարող եմ ասել, որ երբ նախագահ Բայդենը մոտ մեկ շաբաթից հանդիպի նախագահ Էրդողանին, դա կլինի օրակարգի հիմնական կետը»,- ասել է Բլինքենը Վաշինգտոնի եւ Անկարայի հակասությունների մասին՝ ելույթ ունենալով ԱՄՆ Սենատի արտաքին հարաբերությունների հանձնաժողովի նախաշեմին կայացած լսումների ժամանակ: «Մեր տարաձայնությունները, այդ թվում նաեւ ձեր նշածը, գաղտնիք չեն»,- ասել է ԱՄՆ արտաքին գործերի նախարարության ղեկավարը` պատասխանելով կոմիտեի նախագահ Ռոբերտ Մենենդեսի (դեմոկրատ, Նյու Ջերսի նահանգ) հարցերին: Թուրքիան, ԲլինՔենի տեսակետից, «շատ առումներով չի գործում այնպես, ինչպես պետք է գործի ՆԱՏՕ-ի դաշնակիցը»: «Ոչ վերջին հերթին վերաբերում է նաեւ Ռուսաստանից Ս-400 [զենիթահրթիռային համակարգեր] գնելուն»,- ասել է դիվանագետը:

Բացի այդ, նրա կարծիքով, Թուրքիան «խորապես անհանգստացնող» քայլեր է ձեռնարկել Արեւելյան Միջերկրածովում: «Մենք ուրախ էինք, որ այն կասեցրեց այդ ջանքերի որոշ մասը, այդ թվում նաեւ հանեց իր նավերը ջրերից, որոնք Կիպրոսն իր բացառիկ տնտեսական գոտին է համարում` դադարեցնելով հորատումը»,- շարունակել է Բլինքենը:

«Մենք նաեւ լուրջ մտահոգություններ ունենք [Թուրքիայում] մարդու իրավունքների, լրագրողների նկատմամբ վերաբերմունքի հետ կապակցությամբ»,- հաստատել է ԱՄՆ պետքարտուղարը: Նրա խոսքով՝ «Նախագահը [Բայդենը] հնարավորություն կունենա այս բոլոր հարցերի շուրջ անմիջականորեն համագործակցել նախագահ Էրդողանի հետ»:

«Կասեմ նաեւ, որ մենք շահագրգռված ենք, որպեսզի Թուրքիան «խարսխված» մնա Արեւմուտքի կողմից: Մենք ունենք կարեւոր եւ համընկնող շահեր Սիրիայում, ահաբեկչության դեմ պայքարում, Աֆղանստանում, Ռուսաստանի եւ Իրանի որոշակի վնասակար ազդեցությունը հետ մղելու առումով: Բայց մենք պետք է ուղղակիորեն լուծենք տարաձայնությունները»,- հավելեց Բլինքենը:

Նախատեսվում է, որ Էրդողանի եւ Բայդենի միջեւ երկկողմ բանակցությունները տեղի կունենան հունիսի 14-ին Բրյուսելում կայանալիք ՆԱՏՕ-ի գագաթնաժողովի շրջանակներում: Դա կլինի նրանց առաջին հանդիպումը` որպես պետությունների ղեկավարներ. Թուրքիայում դրան սպասում էին ձմռանից: Սակայն կողմերը չեն դադարեցնում փոխադարձ հարձակումներն ու քննադատությունները: Մասնավորապես, Էրդողանը մեղադրում է Վաշինգտոնին Մերձավոր Արեւելքի տարածաշրջանի համար ապակառուցողական եւ վտանգավոր քաղաքականություն վարելու մեջ. ԱՄՆ-ն, իր հերթին, ազդարարում է, որ մտահոգված է Թուրքիայում «ժողովրդավարության հետընթացի» կապակցությամբ:

LIVE24.AM

24 ժամից այդ անբարոյականի ու իր ընտանիքի մասին այնպիսի փաստեր կհրապարակեմ, որ բոլորը կթքեն վրան

18+․ Թշնամին այսօր Գեղարքունիքի մարզում դաժան ծեծի է ենթարկել հայ զինծառայողի

Որդուս տալիս եմ բոլոր գերիների դիմաց․ Դիմում եմ Ալիևին, Սերժ Սարգսյան ու Ռոբերտ Քոչարյան բանակցեք

Իր Աշոտիկին թող տա, փոխարենը 20–25 ռազմագերի ետ ստանա

Մակրոնին քիչ առաջ ապտակած ֆրանսիացուն պարզապես հեռացրեցին առաջին շարքից

Անուն Ազգանունն ասեք․ Դրանց սաղին բռնելու եմ ու շիկեմ

Կադրային ջարդ ու դաժան վենդետաներ եմ անելու պետական ու մասնավոր հիմնարկների սեփականատերերի դեմ

Եթե ես լինեի գերագույն հրամանատար ու այսպիսի վիճակ լիներ, ես ինձ կգնդակահարեի

Օնիկ Գասպարյանը Շուշիի համար դեռ պատասխան ա տալու դատարանում

Ադրբեջանի ՊՆ մեքենայի պայթյունի պահը Քարվաճառում

Ձեր ինչի՞ց վախենանք, այ սատկած առյուծ քշողներ. Փաշինյանը՝ Քոչարյանին

Հերիք եղավ բոլ եղավ․ Սրանից հետո կա՛մ ձեզ կարգին կպահեք՝ հավսար-զգաստ՝ կամ էլ...

Rate this item
(0 votes)

ԼՐԱՀՈՍ