Ռուսաստանն արդեն հայտարարում է, որ Ղազախստանը ռուսական հող է. Օգնության դիմաց Կրեմլը պահանջներ է դնում

Ռուսաստանն արդեն հայտարարում է, որ Ղազախստանը ռուսական հող է. Օգնության դիմաց Կրեմլը պահանջներ է դնում

Քրիստոսի Ամենափրկիչ տաճարում գիշերային պատարագից հետո Մոսկվայի և Համայն Ռուսիո պատրիարք Կիրիլը աղոթք է հնչեցրել Ղազախստանում խաղաղության վերականգնման համար: «Սա մեր կողքին է, այն պատմական Ռուսիայի տարածքում է և, հետևաբար, մենք չենք կարող անտարբեր լինել այս արյունահեղության, այս բախումների, այս մարդկային խառնաշփոթի նկատմամբ», ասել է պատրիարք Կիրիլը:

Ավելի վաղ ՌԴ Պետդումայի իշխող «Եդինայա Ռոսիա»-ից պատգամավոր Սուլթան Խամզաևն առաջարկել էր Ղազախստանում հանրաքվե անցկացնել Ռուսաստանին միանալու հարցով։

«Կենտրոնական Ասիան ռուսական հող է։ Համացանցում քննարկվում է Ղազախստանի հնարավոր վերամիավորումը Ռուսաստանի հետ: Անձամբ իմ դիրքորոշումը՝ որպես Ռուսաստանի Դաշնության քաղաքացի, անկախ քաղաքականությունից և պաշտոնից, աջակցում եմ Ղազախստանում պատմական հայրենիքի՝ Ռուսաստանի հետ, վերամիավորման վերաբերյալ հանրաքվեի անցկացմանը», գրել է Խամզաևը Ֆեյսբուքի իր էջում։

Ղազախստանի իշխանությունները Կրեմլից օգնություն են ստացել որոշակի պայմաններով։ «MK»-ի փոխանցմամբ՝ այս մասին գրում է Էրդողանի և Թուրքիայի իշխող կուսակցության հետ կապված իսլամական-պահպանողական «Ենի Աքիթ» թերթը։ Թուրքական պարբերականի համաձայն՝ Ղազախստանը ՀԱՊԿ խաղաղապահ ստորաբաժանման ներգրավման դիմաց պետք է ճանաչի Ղրիմի միացումը ՌԴ-ին, ռուսերենին երկրորդ պետական ​​լեզվի կարգավիճակը վերադարձնի և համաձայնի ռուսական ռազմաբազաների տեղակայմանը երկրի տարածքում։ Բացի այդ, Ղազախստանի ռուս բնակչությունը պետք է ինքնավարություն ստանա։

Ռուսաստանի «ներգրավվածության» մասին ակնարկել է նաեւ Բելառուսի նախագահը։ «Նրանց պետք է արյան մեջ խեղդել Ռուսաստանը», ասել է Լուկաշենկոն Ղազախստանի վրա հարձակման պատճառների մասին։

Հիշեցնենք, որ ՀԱՊԿ զորքերը Ղազախստան են մտցվել «արտաքին ագրեսիայի» պատճառաբանությամբ։ Հետաքրքիր է, որ Ղազախստանի հանդեպ բաց հավակնություններ է ներկայացնում Ռուսաստանը։

Սկզբնաղբյուր

Rate this item
(0 votes)

Լրահոս

© 2022 Lur24.com All Rights Reserved