Մահացածների մարմիններն ուղղակի ընկած են փողոցում. Ցուցարարները բարիկադավորվել են «Միր» հեռուստաալիքի շենքում

Մահացածների մարմիններն ուղղակի ընկած են փողոցում. Ցուցարարները բարիկադավորվել են «Միր» հեռուստաալիքի շենքում

Ալմաթիի Հանրապետության հրապարակում ցուցարարների մի խումբ բարիկադավորվել է «Միր» հեռուստաալիքի շենքում, տեղեկացնում է Хабар 24-ը։

Կան զոհեր, մահացածների մարմիններն ուղղակի ընկած են փողոցում։

Տեղեկացվում է, որ ամբողջ գիշեր քաղաքում լսվել են կրակոցներ, որոնք այժմ էլ տեղ-տեղ կարելի է լսել Ալմաթիում։

Ավելի վաղ հայտնի էր դարձել, որ Ղազախստանում ակիմատների (քաղաքապետարաններ) եւ ոստիկանական բաժանմունքների բոլոր շենքերը վերցված են իրավապահ մարմինների հսկողության ներքո։

Ավելի վաղ՝ հունվարի 6-ին, տեղեկացվել էր, որ ցուցարարների ամբոխը մտադիր է նորից գրոհել Ալմաթիի ոստիկանության դեպարտամենտի շենքը։ Ընդ որում՝ մեկ որ առաջ Ալմաթիում ցուցարարները փորձել էին զավթել ներքին գործերի դեպարտամենտը, ինչպես նաեւ  Աուեզի  ներքին գործերի շրջանային բաժանմունքի շենքը։

Նրանց հաջողվել էր ժամանակավորապես իրենց վերահսկողության տակ վերցնել Ալմաթիի օդանավակայանը եւ ջարդարարություն իրականացնել։ Ավելի ուշ հայտնի դարձավ, որ ցուցարարները հեռացել են օդանավակայանից, ուժայինները հատուկ գործողություն են իրականացնում։

Բացի այդ, Ալմաթիում ցուցարարները ներխուժել էին քաղաքապետարան, հրկիզել դատախազության շենքը, ինչպես նաեւ կառավարող կուսակցության գրասենյակը։ Ղազախստանի նախագահի Ալմաթիի նստավայրը նույնպես զավթվել էր։

Ավելի ուշ հայտնի դարձավ, որ ուժայինններն ազատել են պետական բոլոր հաստատություններն Ալմաթիում։

Rate this item
(0 votes)

Լրահոս

© 2022 Lur24.com All Rights Reserved