Lur24
Lur24

Lur24

Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.

Այսօր ՀՀ երրորդ նախագահ Սերժ Սարգսյանի ծննդյան օրն է: Հայաստանի հանրապետական կուսակցության (ՀՀԿ) երիտասարդական կառույցը տեսանյութ և ուղերձ է հրապարակել ֆեյսբուքյան էջում, որում ասովում է.

«Մեծարգո՛ պարոն Նախագահ, ի սրտե շնորհավորում ենք Ձեզ ծննդյան օրվա կապակցությամբ:

Կանգնած լինելով հայկական երկու հանրապետությունների և հայոց հերոսական բանակի կազմավորման ակունքներում` Դուք արել և անում եք հնարավորը հայ ժողովրդի շահերի պաշտպանության, նրա միասնականության ամրապնդման, միջազգային ասպարեզում Հայաստանի դերի բարձրացման ուղղությամբ:

Մեկ անգամ ևս շնորհավորում ենք Ձեզ ծննդյան տարեդարձի առթիվ և մաղթում քաջառողջություն, ուժ և եռանդ, որպեսզի շարունակեք Ձեր ազգանվեր ու հայրենանվեր գործունեությունը։

Եվ ինչպես նշել եք Ձեր խոսքերում՝ մենք միասնությամբ ենք ուժեղ, իսկ ուժը հաղթանակ է»։

 

«Հրապարակ» թերթը գրում է. «Չնայած վարչապետության մեկ տարվա առիթով հրավիրած ասուլիսին Նիկոլ Փաշինյանը գլուխ էր գովում, թե գործադիրում չեն կարող լինել «թեւեր»․ «Ես նմա՞ն եմ մի մարդու, որ կարող եմ լինել վարչապետ, որի իշխանության ներսում կարող են լինել թեւեր... եթե ի հայտ գան թեւեր, ես կկտրեմ», այսօր իշխանական թիմում ոչ միայն բազմաթիվ թեւեր են ձեւավորվել, այլեւ դրանց միջեւ կատաղի պայքար է ընթանում։

Ներթիմային մրցակցությունը սրվել է հատկապես ՔՊ մարզային խորհուրդների ձեւավորման հետ կապված եւ ՏԻՄ ընտրություններին ընդառաջ։ Սիսիանում, օրինակ, իրար դեմ կատաղի պայքար են մղում ՔՊ-ական պատգամավորներ Արփի Դավոյանն ու Կարեն Համբարձումյանը, նրանցից յուրաքանչյուրն ուզում է, որ իր հովանավորյալը դառնա համայնքապետ։ ՔՊ-ի ընտրությունը կանգ է առել համայնքապետի ԺՊ Արմեն Հակոբջանյանի վրա, որը Կարեն Համբարձումյանի բարեկամն է, բայց համայնքում սիրված չէ։

ՔՊ-ում ի սկզբանե հակված են եղել գործարար Արա Զաքարյանի կողմը, սակայն Համբարձումյանը հաղթել է, հակառակ թեւում Արսեն Ավագյանն ու Արփի Դավոյանի օգնական Ներսես Խաչատրյանն են, որոնք բացահայտ հակաքարոզչություն են անում ՔՊ պաշտոնական թեկնածուի դեմ եւ ուզում են Զաքարյանն այլ ուժի ցուցակով առաջադրվի»:

Առավել մանրամասն՝ թերթի այսօրվա համարում

 

«Հրապարակը» գրում է․ Նիկոլ Փաշինյանի անմիջական հրահանգով դիմադրության շարժման հանրահավաքների եւ երթերի մասնակիցների նկատմամբ բռնություններ գործադրած բոլոր ոստիկաններն անխտիր պարգեւատրվել են գումարով, մեդալներով, ոմանց բախտը բերել է՝ պաշտոններն են բարձրացրել։ Մենք գրել էինք, որ ակտիվիստ խեղդող բերետավորը՝ Արթուրը, «Կյաժ» մականունով, պաշտոնի բարձրացում է ստացել։ Ի դեպ, նա այն ոստիկաններից է, որ միջոցառումներին ուղեկցում է Աննա Հակոբյանին ու Նիկոլ Փաշինյանին։

Կյաժին նշանակել են ոստիկանության Երեւանի վարչության հատուկ նշանակության գումարտակի 3 վաշտերից մեկի հրամանատար, որտեղ մինչ այդ մեկ այլ բարբարոս բերետավոր էր՝ Միքայել  Այվազյանը։ Նա աչքի էր ընկել ոչ միայն ցուցարարների նկատմամբ բռնություններով, այլեւ Մարտական խաչի ասպետ Սերգեյ Հայրապետովի նկատմամբ տգեղ պահվածքով։ Ասել էր, որ թքած ունի նրա կոչման վրա, ապա հայհոյանքներ էր հնչեցրել, ասելով, թե ինքն էլ գնդապետ շինող է։ Այվազյանին էլ նշանակել են վերոնշյալ  գումարտակի հրամանատարի՝ Հայկազ Ջոմարդյանի տեղակալ։

Օրեր առաջ էլ Այվազյանի ծննդյան օրն էր, նա մեծ փարթի էր կազմակերպել՝ նշելով ե՛ւ պաշտոնի բարձրացումը, ե՛ւ տարեդարձը։

 

Վերաքննիչ քրեական դատարանում վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունից հետո երբ դատավոր Կարեն Բիշարյանը հեռացավ խորհրդակացական սենյակ, զոհված զինծառայողների հարազատների եւ դատախազների միջեւ իրավիճակը լարվեց։

Զոհվածի հարազատը փորձեց հարց ուղղել դատախազներին, սակայն նրանք լքում էին նիստերի դահլիճը։ Ծնողներից մեկը նրանց անվանեց՝ «թուրք», որին ի պատասխան՝ դատախազներից մեկն ասաց․ «Արա փոշին էլ ես դու, թուրքն է»։

Այդ խոսքը ծնողներին վրդովվեցրեց, դատախազներն է լքեցին նիստերի դահլիճը։

Հիշեցնենք, որ դեռեւս 2021 թվականի հունիս ամսին նրանք հանցագործության մասին հաղորդում էին ներկայացրել, մասնավորապես, պահանջելով քրեական գործ հարուցել Նիկոլ Փաշինյանի կողմից կատարված առերեւույթ պետական դավաճանության փաստի առթիվ։

 

«Ես բժիշկ չեմ, որ կարծիք հայտնեմ Ձեր ասածի մասին: Այդ հարցով կարող եք դիմել ոլորտի նեղ մասնագետների, նրանք ստույգ ախտորոշումը կտան և կարծիք կհայտնեն»,-Aravot.am-ի հարցին այսպես արձագանքեց ՀՀ երրորդ նախագահ Սերժ Սարգսյանը:

ՀՀ երրորդ նախագահ Սերժ Սարգսյանից հետաքրքրվել էինք, թե ի՞նչ կարծիք ունի և ինչպես կմեկնաբանի Նիկոլ Փաշինյանի երեկվա մամուլի ասուլիսը:

«Իսկ մեր ժողովրդին կարող եմ հաստատապես ասել, որ ես անհոգնել շարունակելու եմ փաստարկված ու հիմնավոր ներկայացնել 2008-2018թթ. Արցախյան հիմնախնդրի կարգավորման բանակցային գործընթացը, որի վերաբերյալ մինչ այժմ իմ կողմից հրապարակային հնչեցված որևէ փաստ չի հերքվել, իսկ շատ դեպքերում՝ նաև տարբեր առիթներով հաստատվել է այդ գործընթացի մասնակիցների կողմից: Սա՝ ի տարբերություն բանակցային գործընթացը միտումնավոր խեղաթյուրող կապիտուլյանտի բազմաթիվ ստերի, որոնք ԵԱՀԿ Մինսկի խմբի համանախագահ երկրների ներկայացուցիչների կողմից պարբերաբար հերքվել են:

Երկրորդ՝ սեփական տգիտությունը, ապաշնորհությունը, անբարո կեցվածքը թաքցնել ջանացողները իրենց խոսքերով ու գործողություններով այնքան են խրվել իրենց իսկ ստեղծած ճահճի մեջ, որ ամեն անգամ նոր «բացահայտումներ» անելով՝ էլ ավելի են խրվում ստի այդ գարշահոտ ճահճում, որտեղ էլ, անկասկած, գտնելու են իրենց անփառունակ վախճանը:

Երրորդ՝ կապիտուլյանտը լայն հնարավորություն ունի իր երևակայական աշխարհում, որտեղ, կարծես, հաճախ է լինում, հանդիպելու իմ «որդու», դեռևս իմ ծնվելուց առաջ, շատ երիտասարդ հասակում իրենց մահկանացուն կնքած հորեղբայրներիս, նրանց տղաների հետ և մանրամասն տեղեկություններ ստանալու «Հայաստանի ընկերությունների 90 տոկոս»-ում նրանց ունեցած բաժնեմասերի մասին: Ընդ որում՝ որքան շուտ այդ հնարավորությունը նա օգտագործի, այնքան լավ իր և բոլորիս համար»:

 

Այսօր վարչապետ Նիկոլ Փաշինյանը պատասխանեց գերիների վերադարձի ուղղությամբ կատարվող աշխատանքների վերաբերյալ հարցին: Ադրբեջանում պահվող գերիներից մեկի քույրը մասնավորապես հարցրել էր Հին Թաղերից ու Խծաբերդից գերեվարվածների մասին, մասնավորապես` «ինչու էին նրանք հայտնվել այնտեղ, եթե այդ հողերը հանձնված էին»: 
 
«Խծաբերդի գերիների հարազատներն ինձ հետ տասնյակ անձնական հանդիպումների ժամանակ բարձրացրել են խնդիր` ասելով, որ ինչու են զինվորները հայտնվել այնտեղ, եթե այդ տարածքները հանձնված էին: Բազմիցս պարզաբանել եմ, որ այդ տարածքները հանձնված չեն եղել, և այդ տարածքները  դե յուրե պիտի լինեին ռուս խաղաղապահների պատասխանատվության գոտի և նրանց վերահսկողության ներքո, և եռակողմ հայտարարության հիման վրա զինված ուժերը մնացել են այն դիրքերում, որոնցում պետք է լինեին: Դուք հիշում եք, այն ժամանակ բազում քննարկումներ եղան, և խնդիրն այն է, որ այդ տարածքը ռուս խաղաղապահների պատասխանատվության գոտի էր: Գերեվարման հանգամանքների հետ կապված կա հարուցված քրեական գործ: Եթե չեմ սխալվում՝ հրամանատարին մեղադրանք է ներկայացված»,- ասաց Փաշինյանը: 
 
Փաշինյանը նշեց, որ գերիներին չվերադարձնելու Ադրբեջանի քաղաքականությունը նպատակ ունի վարկաբեկել Լեռնային Ղարաբաղում և Լաչինի միջանցքում ռուս խաղաղապահների գործունեությունը: 
 
«Սա նաև շեշտում եմ մեր ռուս գործընկերների հետ հանդիպումների ընթացքում, որովհետև այսօր հաստատված գերեվարված անձանց 90 և ավել տոկոսը գերեվարվել է ռուս խաղաղապահների տեղակայումից հետո և նրանց պատասխանատվության գոտում: Մենք առաջին հերթին. և՛ ՌԴ-ն, և՛ ողջ միջազգային հանրությունը պետք է լրացուցիչ ջանքեր գործադրենք, որպեսզի մեր գերեվարված եղբայրների վերադարձն ապահովենք:
 
Մենք միջազգային հարթակներում և բոլոր աշխատանքային քննարկումներում շարունակում ենք այդ հարցը բարձրացնել: Այս հարցով մենք նաև դատական գործընթացներ ունենք միջազգային ատյաններում, հետևողական ենք լինելու, որ մեր բոլոր գերեվարված եղբայրները վերադառնան ՀՀ»,- ասաց Փաշինյանը:
 
Փաշինյանը շեշտեց նաև, որ Ադրբեջանը փորձում է հումանիտար հարցերը քաղաքականացնել:
 
Անդրադառնալով գերիների թվին` վարչապետը նշեց.
 
«Մենք տարբերակում ենք գերիների երկու խումբ` խումբ, որոնց վերաբերյալ Ադրբեջանի իշխանությունը և միջազգային կազմակերպությունները հաստատում են, որ այդ մարդիկ գտնվում են Ադրբեջանում: Այդպիսի անձանց թիվը 38 է: Մենք ունենք նաև երկրորդ ցուցակ, որը կազմել ենք հետևյալ տրամաբանությամբ` եթե որևէ վկայություն, տեղեկություն եղել է, որ նրանք գտնվում են գերության մեջ, այդ ցուցակում ընդգրկել ենք այդ անունները, որ հետագայում հաստատման ուղղությամբ միջոցներ ձեռնարկենք»: 

 

Ձեր նենգ երեսպաշտությունն է ինձ անընդհատ վերադարձնում էս հարթակ: Բոյկոտ, թե բա... Բա խի՞ չեք կարում բոյկոտեք, խի՞ չեք անտեսում, խի՞ եք անդրադառնում... Հերթով վրդովվում եք, որ Աղավնոն հանձնելու մասին ասեց: Ես ձեր կնոպկով հայրենասեր ջանին մեռնեմ` Աղավնոն 2020-ի նոյեմբերի 9-ին ա հանձնվել: Ընդ որում, հանձնվել է նաև էսօր, բղավելով, իրենց քամագը ճղող, իբր թե հայրենասերներ ճիվաղների քարոզչությամբ: Նույնիսկ ինձ էին համոզում, որ ես էլ քարոզեմ, որ կապիտուլյացիան ստորագրել է պետք: Բայց ես, ի տարբերություն իրենց, գտնվելով առաջնագծում` հակառակ բանն եմ քարոզել: Նիկոլի հետ ձեռք-ձեռք բռնած սաղ տվին` հիմա էլ կոկորդիլոսի արցունքներ են ցփնում: Այ սրիկաներ, բա Փարուխը Աղավնոյից ինչո՞վ էր պակաս, որ ձեզ ջայլամի տեղ դրիք հանձնելուց: Իսկ Փառուխից առաջ Խծաբերդը, Հին Թաղերը...

Փաշինյանի էս հարցազրույցը պիտի ունենար երկու կարևոր մեսիջ, որից մեկը նա չհնչեցրեց (թե ինչ կստանա դրա դիմաց ռուսներից, միայն ինքը գիտի), դա աութսորս անելով Արամ Սարգսյանին, իսկ մյուսն ասեց: Նա ասեց, որ Էսօրվա գերիների 90 տոկոսը գերեվարվել են ռուսների պատճառով: Իսկ Արամ Սարգսյանն ասաց, որ Նիկոլը միջանցք չի խոստացել թուրքերին, դա խոստացել է Պուտինը: Էս երկու թեզերն էին ասուլիսի իմաստը, ու էս երկու թեզը լռեցնելու համար էլ փորձել են այն բոյկոտել:

Ընդհանուր առմամբ Նիկոլն ընդամենը մի բան է ասում. նա չի հերքում, որ դավաճան սրիկա է, նա պարզապես պնդում է, որ իր դեմ իբր թե պայքարողները ոչնչով պակաս չեն: Ու ասեմ ձեզ` ճիշտ է ասում:

Արթուր Դանիելյան

 

ՀՀ պաշտպանության նախարարի հայտարարությունը, թե այս պահին պատերազմի վտանգ չկա, նշանակում է, որ այդ պահին սահմանին կուտակումներ չկան, բայց դրանք կարող են առաջանալ ժամերի, օրերի, շաբաթների, ամիսների ընթացքում: Այս մասին այսօր հայտարարեց ՀՀ վարչապետ Նիկոլ Փաշինյանը: Հարցին` ինչ նկատի ունի Նիկոլ Փաշինյանը «արժանապատիվ խաղաղություն» ասելով՝ վարչապետը պարզաբանեց.

«Մանրուքները շատ կարևոր են. ինչ նկատի ունենք արժանապատիվ խաղաղություն ասելով, հնարավո՞ր էր արդյոք խաղաղության հասնել: Ես 2020 թ. սեպտեմբերի 27-ին ԱԺ-ում ասել եմ այդ մասին. հնարավո՞ր էր այնպես անել, որ պատերազմը չսկսվեր: Այո՛, դրա համար պետք էր ընդունել, որ ԼՂ-ն Ադրբեջանի մաս է, ընդ որում` այնպես չի, որ 2018-ից հետո այդ անհրաժեշտությունն առաջացավ: Սերժ Սարգսյանը 2017 թ. հունիսին «Արմենիա» հեռուստաընկերությանը տված հարցազրույցում նշեց` Ադրբեջանը համարում է` ԼՂ հարցն իր ներքին հարցն է: Հիմա նաև նախկին իշխանության ներկայացուցիչներն են ասում` հնարավոր է: է՛, հնարավո՞ր էր՝ անեիք:

Ենթադրենք՝ գալիս էի, ու էն ելույթը, որ վերջին շրջանում ունենում եմ` որոշ փաստեր բացահայտելով, արդյոք դա նշանակո՞ւմ է, որ դրանից հետո բոլորս պիտի ասեինք` այո՛, դե եկեք ԼՂ-ն ճանաչենք Ադրբեջանի մաս, արձանագրենք նաև ԼՂ ադրբեջանցիների վերադարձի և բնակություն հաստատելու իրավունքը, արձանագրենք ԼՂ հետագա ճակատագրի հարցում Ադրբեջանի վետոյի իրավունքը: Ասում են` Լաչինի միջանցքը էսքան պիտի լիներ, բանակցային փաստաթղթերում ոչ մի նման բան չկա»:

Ըստ Փաշինյանի՝ ամենամեծ խնդիրներից մեկն այն է, որ ԼՂ հարցի կարգավորման շուրջ բանակցվող փաստաթուղթը, այն ստորագրելու պարագայում, ԼՂ հարցը չէր լուծում, այդ հարցը լուծվելու էր հետագա բանակցությունների ընթացքում. այդտեղ որոշակի շրջանակներ էին արձանագրվում, և դրա շուրջ ՀՀ և Ադրբեջանի մեկնաբանությունները միմյանցից տրամաբանորեն տարբեր էին:

«Հանրությանը դրանում համոզելու համար ինքս պետք է համոզված լինեի, որ դա ճիշտ ճանապարհ է: Ես դրանում համոզված չէի, որովհետև դա նշանակում էր` ԼՂ-ն ճանաչել Ադրբեջանի մաս: Պիտի գայի, ասեի` գիտեք, ժողովո՛ւրդ, վերջին 20 տարին անիմաստ ժամավաճառությամբ ենք զբաղվել, որովհետև այն, ինչ առաջարկվում էր 97-98 թթ., այսօր առավելագույնը, որ կարող ենք ունենալ, գուցե այն առաջարկածից վատ է: Այդ բանակցության մանրամասները հրապարակելուց հետո ո՞վ է երաշխավորում, որ բանակցությունները չէին դադարելու, ու պատերազմ չէր սկսվելու, կամ միջազգային հանրությունը չէր դատապարտելու Հայաստանին` աշխատանքային բովանդակությունը սփռելու և պոպուլիստական ձևով շահարկելու համար, և երբ պատերազմ տեղի ունենար, ու այս նույն հետևանքը լիներ, այն ժամանակ ավելի ուղիղ պիտի մեղադրեին` չհաշվարկված ու ոչ խելամիտ հայտարարություններով պատերազմ հրահրեցիր:

Ես պիտի ասեի` այն բանակցային գործընթացը, որ ստացել եմ, ռումբ է` դրված ՀՀ պետականության և ինքնիշխանության տակ, պիտի դա ասեի, ու ամենատարբեր կողմերից հակառակն ապացուցեին, պիտի ասեին` հեղափոխություն կազմակերպեցիք, որ ԼՂ անկախության հարցը ձախողեիք»,- ասաց նա:

Փաշինյանը տեղեկացրեց` ՀՀ 50-ից ավելի զինծառայող մեղադրվում է լրտեսական գործունեության համար. մեր կոորդինատ բերողը, պարզվել է, ադրբեջանական գործակալ է ու սխալ կոորդինատ է տալիս, սա հայրենիքի դավաճանություն անող է:

«Նա, ով «դավաճան չէ», ընդամենը 20 կմ-անոց արկի տեղն առել է 10 կմ-անոց արկ, բայց գրել է 20 կմ-անոց, պատերազմի ժամանակ կրակել են 20 կմ հեռավորություն ունեցող թիրախի վրա, կրակել են` չխոցելով այդ թիրախը, դեռ պարզ չէ` մեր թիրախներին խոցել են, թե ոչ»,- նշեց նա:

 

Եկատերենբուրգից Երևան թռչող ուղևորատար օդանավը տեխնիկական խնդիրների պատճառով վերադարձել է մեկնարկային օդանավակայան։ Այս մասին հայտնում է ՏԱՍՍ-ը։

Օդանավում եղել է 80 ուղևոր ու անձնակազմի 6 անդամ։

Վայրէջքը կատարվել է բարեհաջող։

 

 

Թեհրանից Բաքու ժամանած ՌԴ ԱԳ նախարար Լավրովի ներկայությամբ Ալիեւն ու նրա ԱԳ նախարարը Հայաստանին մեղադրեցին «խաղաղ պայմանագրի» աշխատանքները ձգձգելու մեջ եւ սպառնացին «լուրջ ռիսկերով»։ Լավրովի Երեւան-Թեհրան-Բաքու այցերի նման «ամփոփումը» պատահական չէ՝ այցը ուղեկցվեց հակահայ նոր սկանդալներով ու ակտերով, Լավրովի խոսնակը սահմանին Բաքվի հերթական սադրանքի վերաբերյալ հայ լրագրողի հարցին ի պատասխան նետեց՝ սահմանազատում արեք, որ նման միջադեպեր չլինեն։

Բաքվում հնչած հայտարարություններից արժե առանձնացնել հետեւյալը․ Նախ, Լավրովը պարտավորվեց, որ Հայաստանը կարագացնի սահմանազատման, հաղորդակցությունների բացման եռակողմ հանձնաժողովներում աշխատանքը։

Հայտարարվեց, որ Մինսկի խումբը դադարեցրել է աշխատանքը ԱՄՆ եւ Ֆրանսիայի մեղքով, թեեւ նախօրեին ԱՄՆ պետքարտուղարի տեղակալը հայտարարել էր, որ ԱՄՆ-ն պատրաստ է Ռուսաստանի հետ շարունակել աշխատանքը խմբում։ ՌԴ ԱԳՆ-ն, սակայն, մերժել էր այդ առաջարկը։

Մոսկվան ու Բաքուն համաձայնագիր ստորագրեցին անվտանգության ոլորտում, այդ թվում՝ զլմ-ների սերտ համագործակցության։ Սա անկասկած կապված է Արցախի պետնախարար Արտակ Բեգլարյանի հարցազրույցի հետ, որը հրապարակել էր ՌԴ ՌԻԱ պետական գործակալությունը։ Բաքվի պահանջով սակայն հարցազրույցը հեռացվեց, իսկ ՌԴ ԱԳՆ խոսնակը հարցազրույցը համարեց ֆեյք եւ ապատեղեկատվություն։

Այսպիսով, կարելի է արձանագրել հետեւյալը․ Մոսկվան ու Բաքուն պաշտոնականացնում են Հայաստանի դեմ համատեղ ճնշման, արտաքին միջամտության բացառման եւ քարոզչությունը լիակատար ներդաշնակեցնելու իրողությունները։

Լավրովն ավելի վաղ անկեղծացել էր, որ Ֆրանսիան ու ԱՄՆ-ն Մինսկի խմբում պաշտպանում էին հայկական շահերը։ Մոսկվան հույս ուներ ՄԽ-ում «օրինականացնել» Հայաստանի դեմ նախաձեռնած պատերազմն ու «հետպատերազմյա կարգավորումը» եւ հավասար բաշխեր իր ոճրագործության պատասխանատվությունը (հիշվում է Լավրովի արդարացումը՝ թե իրենք իրագործել են այն, ինչն արձանագրված էր ՄԽ առաջարկներում)։ Սակայն Վաշինգտոնն ու Փարիզը մերժեցին եւ նոյեմբերի 9-ի թուղթը հրաժարվեցին ճանաչել որպես կարգավորում։

Բաքվում պայմանավորվածությունները ՄԽ չեզոքացման հետեւանքն են՝ Արեւմուտքով քողարկվելու եւ մանեւրելու հնարավորությունը սպառված է, չնայած Երեւան գործուղվող ռուսական էմիսարների ու հայաստանյան ագենտուրայի ջանքերին։

գործուղվող ռուսական էմիսարների ու հայաստանյան ագենտուրայի ջանքերին։

Սկզբնաղբյուր

 

Ֆոտո

Շնորհավոր ծնունդդ, Գերագույն գլխավոր հրամանատար. ՀՀԿ երիտասարդները շնորհավորել են Սերժ Սարգսյանի տարեդարձը

ՔՊ-ում ներթիմային կատաղի պայքար է

Գնդապետին հայհոյած կարմիր բերետավորի պաշտոնը նույնպես բարձրացրել են

Արա փոշին էլ ես դու, թուրքն էլ. դատախազը՝ զոհվածի հարազատին

Բժիշկ չեմ, որ կարծիք հայտնեմ, նրանք ստույգ ախտորոշումը կտան․ Սերժ Սարգսյանը՝ Փաշինյանի ասուլիսի մասին․ aravot.am

Գերիների 90 և ավել տոկոսը գերեվարվել են ռուս խաղաղապահների տեղակայումից հետո և նրանց պատասխանատվության գոտում․ Նիկոլ Փաշինյան

Աղավնոն 2020-ի նոյեմբերի 9-ին ա հանձնվել․ Ընդ որում, հանձնվել է նաև էսօր, բղավելով, իրենց քամագը ճղող, իբր թե հայրենասերներ ճիվաղների քարոզչությամբ

ՀՀ 50-ից ավելի զինծառայող մեղադրվում է լրտեսական գործունեության համար. Նիկոլ Փաշինյան

80 ուղևորով Ռուսաստանից Երևան թռչող օդանավը ճանապարհի կեսից վերադարձել է. Պատճառը հայտնի է

Բաքուն Լավրովի ներկայությամբ սպառնաց Հայաստանին․ ինչ են պայմանավորվել Լավրովն ու Ալիեւը

Նոր «տասովչիկներով» ու «տեղական» ֆեյքերով

Վանեցյանը, մանդատից հրաժարվելով, պատին է դեմ տվել «Հայաստան» ու «Պատիվ ունեմ» խմբակցություններին

Էրեկցիայի խանգարումը կարող է հանգեցնել վաղաժամ սերմնաժայթքման, սեռական ցանկության նվազման և այլ սեքսուալ խանգարումների

Իդեալական տևողությունը 20-30 րոպե է

Վանեցյանը ճիշտ կլիներ, որ լռեր․ «Պատիվ ունեմ»-ում իրենց անունները մաքրելու քայլեր կլինեն

© 2022 Lur24.com All Rights Reserved